U mbyll në barazim pa gola sfida e javës së 23-të të Kategorisë Superiore mes Kamzës dhe Vllaznisë. Edhe pse të dyja skuadrat, provuan të gjenin rrugën e rrjetës, nuk ia arritën.
Duhet theksuar se në minutën e 84-t, shkodranët shënuan me anë të Kalasë por goli u anulua për pozicion jashtë loje. Me barazimin e sotëm, Kamza shkoi në kuotën e 32 pikëve, ndërsa Vllaznia 25-të.
KAMZA-VLLAZNIA 0-0
Përfundon takimi në Kamëz.
93’ Kërcënuese e djathta e Vucajt nga goditja e dënimit, por përfundon mbi portën e Gjonikajt.
80’ Për t’u harruar goditja e Tafilit nga jashtë zone. Pas avancimit të Pjeshkës nga e djathta, pasimi për mesfushorin ishte i mirë, por goditja shumë e gabuar.
63’ Zbret rrezikshëm Vllaznia nga e majta, por topi i hedhur në zonë nuk devijohet nga askush dhe kalon të gjithë pasqyrën e portës.
Mbyllet pjesa e parë, Kamza-Vllaznia 0-0.
40’ Sërish Kamza e rrezikshme. Këtë herë është Kuqi që nuk mund të devijojë siç duhet një krosim të Zguros nga goditja e këndit. Topi shkon ngjitur me shtyllën.
37’ Fukui hedh bukur një top në zonë, i cili largohet nga Orelesi. Por mesfushori i Vllaznisë e lë sërish në zonë dhe Plaku tenton menjëherë. Topi devijohet dhe humbet rrezikshmërinë.
20’ Plaku lëshon një të djathtë potente nga goditja e dënimit, e cila kalon mi murin mbrojtës. Goditja është e fortë, por qëndrore dhe ndalet nga portieri.
13’ Provon Vllaznia me anë të Gilman Likës. Kapiteni lëshon një të majtë, por nuk ka rrezik për portierin Gjonikaj. E ndal në dy kohë.
3’ Pranë golit skuadra e Kamzës me anë të Rezit. Fukui pason për Plakun brenda zonës, ky i fundit e hedh tokazi dhe Rezi në pozicion të prirët godet shtyllën e djathtë të portierit Sherri.
Kamza: Gjonikaj, Frashëri, Zgurro, Kuqi, Çukoviç, Ymeri, Arrabal, Rezi, Fukui, Plaku, Raçiç. Trajner: E.Topi
Vllaznia: Sherri, Mersini, Gocaj, Berisha, Malota, Orelesi, Cinari, Krymi, Lika, Vucaj, Sukaj. Trajner: E.Gjoka
Gjyqtar: Enea Jorgji
