Mesfushori shqiptar, Astrit Ajdareviç, është duke kaluar një formë të shkëlqyer me klubin grek të AEK-ut. Pas dopietës së shënuar në miqësoren ndaj Lamias, në datën 16 mars, 27-vjeçari ka shënuar një tjetër gol në takimin miqësor, kësaj here ndaj Panetolikos.
Ajdareviç e nisi ndeshjen si titullar, ndërsa në minutën e 12-të gjeti golin e avantazhit për skuadrën e AEK-ut. Golat e shqiptarit, shërbejnë si kundërpërgjigje për trajnerin Panuçi, i cili zgjodhi të mos e grumbullonte, për takimin miqësor, që do të zhvillohet ditën e hënë ndaj Norvegjisë.
