Sulmuesi i përfaqësueses së Kosovës Arbër Zeneli është vendosur nën shënjestrën e gjigantëve të futbollit holandez PSV Eindhoven dhe Ajax. E përditshmja italiane “Corriere Dello Sport” raporton se 23-vjeçari ka tërhequr gjithashtu vëmendjen e dy klubeve të tjera: Fenerbahces dhe Fiorentinës.
Pasi shënoi një tripletë të mrekullueshme ndaj Azerbajxhanit në takimin e fundit të vlefshëm për Ligën e Kombeve, Zeneli është kthyer në fenomenin e ri të futbollit shqiptar. Ai është pjesë e holandezëve të Heerenveenit në kampionatin “Eredivisie” prej tre sezonesh duke regjistruar 16 gola në 71 prezenca. Zeneli është njëri prej lojtarëve më të mirë të Kosovës.
