Emery është trajner i PSG-së, kështu thotë Antero Henrique.
Drejtori sportiv i Paris Saint Germainit, Antero Henrique, ka reaguar pas raportimit të mediave franceze dhe në mbarë botën se trajneri, Unai Emery, i ka ditët e numëruara në Francë.
Henrique thotë se nuk është koha “të flasim” për zëvendësuesin e Emery.
“Çdo ditë përballemi me informacione për trajnerin e PSG-së”, tha Henrique.
“Të jemi të qartë; trajneri i Paris Saint-Germain është Unai Emery, ai ka kontratë me klubin dhe nuk është koha e duhur të flasim për këtë çështje”, shtoi ai.
