Paris Saint-Germain do të kthehet në fushë pas eliminimit në Champions League nga Real Madrid dhe do të presë në shtëpi Metz-in e vendit të fundit në javën e 29-të të Ligue 1 këtë të shtunë.
Në 34 ndeshjet e kampionatit të luajtura mes këtyre dy ekipeve në “Parc des Princes”, PSG ka marrë 24 fitore, Metz katër dhe shtatë ndeshjet e tjera janë mbyllur në barazim. Për më tepër, skuadra e Unai Eemery ka fituar gjashtë ndeshjet e fundit të kampionatit kundër Metz.
Gjithashtu, ndeshjet mes këtyre dy ekipeve kanë dhuruar gjithmonë gola. Në fakt, në tri përballjet e fundit janë realizuar të paktën tre gola. PSG ka fituar 14 ndeshjet e fundit të kampionatit që kanë luajtur në shtëpi dhe kanë shënuar të paktën dy gola në këto takime.
Herën e fundit që Metz ka mundur Parisin në “Parc des Princes”, në një ndeshje të Ligue 1, ka qenë në marsin e 1996-ës (3-2). PSG ka fituar me një diferencë prej të paktën 2 golash 14 ndeshjet e fundit të kampionatit francez. Metz ka humbur 7 ndeshjet e fundit që ka luajtur kundër PSG në të gjitha kompeticionet.