Roger Federer ka humbur 2-1 në finalen e turneut Masters të Indian Wells, një humbje që sipas tenistit zviceran mund të ishte evituar.
Numri 1 në botë kishte dy topa për ta fituar ndeshjen në setin final, por i humbi ato, duke i dhënë mundësi rivalit argjentinas Juan Martin Del Potro të rikuperojë dhe fitojë ndeshjen në “tie break”. “Rikuperova edhe pse humba setin e parë, kisha mundësi ta fitoja ndeshjen por gabova, ky është sporti. Herët a vonë do ta humbisja një ndeshje këtë sezon, por jo këtë finale, pasi kisha mundësi që ta ngrija lart trofeun”, tha Federer.
Pavarësisht se humbi finalen, zvicerani qëndron numri 1 në botë, duke arritur të ruajë kreun. “Kjo nuk ka shumë rëndësi, unë luaj sepse argëtohem dhe kam objektivat e mi.
Zhvillova dy ndeshje të vështira dhe tani kam pak nevojë për kohë për të rikuperuar fizikisht. Dua të jem në formë për turneun e Majemit, ku jam sërish kampion në fuqi.
Zhvillova një turne të mirë dhe përgëzoj Del Potro për fitoren, një rival i fortë, që tregoi grintë. Shpresoj që këtë ritëm të ruaj edhe në turneun e Majemit”, deklaroi për mediat tenisti zviceran Roger Federer.
Tenistet Federer dhe Del Petro pas finales
