“E kisha parashikuar që do ta kishim të vështirë sot me atë mesfushë që luajtëm. Nuk pashë asnjë gjë të saktë sot. Skuadra nuk ishte e impenjuar, në këtë mënyrë trajneri e pati të vështirë të nxjerrë mësimet nga kjo ndeshje miqësore. Ekipi ishte i shthurur.
Kurse Mavraj dhe Ajeti ishin katastrofë. Sadikut i mungonte një lojtar pranë që të kapte zonat që ai linte bosh. Lojtarët e krahëve qëndronin shumë larg ekipit. Grezda dhe Roshi nuk ktheheshin pas duke për të ndihmuar ekipin. Strakosha ishte më i miri, sepse na shpëtoi në shumë raste. Nuk është e thënë se çdo lojtar që luan jashtë është gati për të qenë pjesë e Kombëtares. Ishin disa lojtarë që nuk ishin në nivelin e duhur, si Ramadani, Bare, Lika apo edhe Qaka. Duhet të punojnë më shumë te Shpresat që të vijnë në Kombëtare”, u shpreh Muça në rolin e specialistit në emisionin “Ëndërr kuqezi” në RTSH.
