Ekipi kombëtar i Shqipërisë luan kundër Norvegjisë në stadiumin “Elbasan Arena”, prej orës 19:00. Një sfidë miqësore që vlen vetëm për trajnerët për të konsoliduar ekipet e tyre, para fillimit të Ligës së Kombeve.
Ky takim nuk u pasqyrua vetëm në mediet shqiptare dhe norvegjeze, por dhe në ata italiane. Në fakt, fqinjët tanë nuk e kanë shumë mendjen se kush do të fitojë nga Kombëtaret, por se kush nga portierit e Shqipërisë do të luajë si titullar.
Etrit Berisha dhe Thomas Strakosha nuk janë vetëm portierët më të mirë të Shqipërisë, por dhe në Seria A. Portieri i Atalantas ka qenë titullar deri tani, ndërsa portieri i Lazios ka qenë si i dytë.
Përzgjedhja e Panuccit për Strakoshën si titullar kaloi përtej Adriatikut. Deklarata e trajnerit italian për përzgjedhjen e portierit u zbardh dhe nga mediet italiane dhe më saktë nga portali “Tuttomercatoweb”.
