Atdhe Nuhiu ka shkëlqyer me një performancë të jashtëzakonshme duke ia siguruar fitoren Sheffield Wednesday për herë të parë në 11 vitet e fundit kunër Leeds “Elland Road” të shtunën pasdite.
Sulmuesi i Kombëtares së Kosovës, Atdhe Nuhiu, shënoi dy gola, përfshirë një në kohë shtesë, duke i ndihmuar skuadrës së vet Sheffield të fitojë ndaj Leeds në udhëtim në Championship, kategorinë e dytë të futbollit anglez.
Sheffield e shijoi fitoren e parë pas plot pesë humbjeve dhe dy barazimeve në të gjitha garat.
Nuhiu realizoi për epërsinë e Sheffield në minutën e 72-të. Katër minuta para fundit të ndeshjes, Leeds e barazoi rezultatin përmes Grot dhe kur u prit që ndeshja të mbyllej baras, kosovari u shfaq sërish duke e shënuar golin e fitores në minutën e 91-të.
Sheffield zë vendin e 17-të me 41 pikë në Championship.
