Anësori i Milanit, Suso beson se skuadra e tij ka mundësi që ta eliminojë Arsenalin nga Europa League
Milan ka pësuar humbje 2:0 në ndeshjen e parë ndaj Arsenalit në San Siro, por Suso beson se ata mund të kalojnë në çerekfinale.
Spanjolli tha se nëse shënojnë herët një gol, atëherë do të mund të bënin presion te Arsenali.
“Nuk shkoi mirë në San Siro, por ne duhet të tentojmë. Ne nuk kemi çfarë të humbasim dhe duhet të vazhdojmë punën”, tha fillimisht Suso.
“Nëse shënojmë herët në pjesën e parë, do të ishte shumë mirë, sepse kjo mund të hapte ndeshje. Por, ne duhet të kemi kujdes nga kundërsulmet e tyre”.
Ndeshja ndërmjet Arsenalit dhe Milanit do të zhvillohet nga ora 21:05.
