E çuditshme, por e vërtetë. Sokol Cikalleshi nuk është aktivizuar asnjë minutë në takimin e djeshëm ndaj Norvegjisë, edhe pse qëndroi në nxehmje thuajse 45 minuta.
Një rast i rrallë, për më tepër kur bëhet fjalë për sulmuesin më në formë të Kombëtares sa i përket paraqitjeve në klube gjatë këtij viti.
Në krahasim me Sadikun dhe Balajn që luajtën ndaj Norvegjisë, sulmuesi kavajas ka shkëlqyer në kampionatin turk me Osmanlisporin, duke realizuar 5 gola në 10 ndeshjet e fundit.