Portieri i Napolit, Pepe Reina raportohet se të hënën do të mbërrijë në milano për të kryer testet mjekësore me klubin e Gennaro Gattusos.
Sipas “Sky Sport Italia”, Reina do të ketë raundin e parë të testeve, para se të hedhë firmën në kontratën me klubin e Milanit.
Spanjolli është i lirë të vendosë lapsin në letër me një klub tjetër, pasi ai ka hyrë në gjashtë muajt e fundit të kontratës së tij me Napolin.
Megjithatë, nuk dihet në këtë fazë nëse 34-vjeçari do të zëvendësojë Gianluigi Donnarumma në “San Siro” apo do të shihet si portier zëvendësues.