Ndërkohë që familja është në zi, e shokuar tërësisht pas goditjes së madhe që mori me vdekjen e papritur të Davide Astorit, prokuroria ka bërë hapin e radhës në kuadër të zbardhjes së ngjarjes, që deri më tani mbulohet ende me mister.
“Kemi hapur dosjen hetimore me hipotezën e një vrasjeje të qëllimshme, ende e panjohur për ne dhe jemi në pritje të rezultatit që do të na japë autopsia”. Kështu ka thënë kreu i prokurorisë së Udine, Antonio de Nìcolo, në një prononcim për Giornale Radio Rai, në vijim të interesit të medias për vdekjen e beftë të kapitenin të Fiorentinës, Davide Astori.
Ai u gjet i vdekur mëngjesin e së dielës në dhomën e hotelit në Udine, ku skuadra e tij ishte stacionuar për lojën kundër skuadrës vendase.
Trupi i pajetë u gjet nga masazhatori i ekipit dhe i fundit që e kishte parë ishte portieti me të cilin Astori pati ashtu si rezultoi edhe nga mesazhet komunikimin e fundit. Fill pas vdekjes, u tha se ajo u shkaktuar nga një atak kardiak.
