Ander Herrera është një nga futbollistët e preferuar nga tifozët e Manchester United dhe në derbin kundër Manchester City, ku “djajtë” bënë një përmbysje fantastike në pjesën e dytë duke e kthyer humbjen 0-2 në fitore 3-2, mesfushori spanjoll ka pështyrë stemën e Manchester City në momentin që po shkonte në dhomat e zhveshjes.
Herrera doli nga fusha me kokën ulur dhe pikërisht kur po kalonte mbi logon e madhe të City, pështyu në tokë. Ndoshta ka qenë thjesht një koincidencë, por veprimi i mesfushorit spanjoll ka bërë xhiron e rrjeteve sociale, duke marrë “elozhet” e tifozëve të United.