Niklas Dorsch është gati të largohet nga Bayern Munich në fund të sezonit megjithëse përjetoi një debutim ëndrrash te kampionët e Bundesliga-s.
Dorsch ishte një nga tre debutuesit dhe katër të promovuarit nga akademia që e nisën nga minuta e parë ndaj ekipit të trajnerit të ardhshëm të Bayern Niko Kovac i Eintracht Frankfurt të shtunën.
Mesfushori 20-vjeçar e shfrytëzoi më së miri mundësinë, duke shënuar golin e parë në fitoren 4-1 të skuadrës së Heynckes.
“Çështja është se unë dua të bëj hapin e radhës në karrierën time,” shprehet Dorsch për Sport1.
“Nuk e di se në cilin ekip do ta bëj, por në çdo rast, këtu nuk do të jetë.”
Dorsch ka refuzuar në mënyrë të vazhdueshme rinovimin me Bayern, me kontratën aktuale që i përfundon në fund të sezonit.
