Uefa ka konfirmuar arbitrin që do të drejtojë gjysmëfinalen e së mërkurës mes Real Madrid dhe Bayern Munich.
Ai është holandezi Bjorn Kuipers, 45 vjeç.
Me Kuipers si arbitër, bavarezët duken më të favorizuar pasi me atë gjermanët kanë marrë vetëm rezultate pozitive.
Herën e fundit ai ka drejtuar çerekfinalen e prillit të 2016 mes Bayern dhe Benfuca të cilën bavarezët e kanë fituar me rezultatin 1-0.
Por edhe për Real Madrid ai është një arbitër që i ka sjellë sukses. Los Blancos kanë fituar ndeshjen ndaj Borussia Dortmund në fazën e grupeve, gjithashtu ai ka qenë arbitri i finales së fituar 4-1 ndaj Atletico Madrid.
Çështja e arbitrit është akoma e nxehtë në kampin e Bayern pas gabimeve të vitit të kaluar kur u ndesh me Real Madrid. Arbitër atëherë ishte Viktor Kassai.
