Futboll Premier League

Derbi edhe në merkato, Mourinho sfidon Pep duke ofruar dyfishin

Manchester United duket skuadra favorite për të siguruar shërbimet e mesfushorit të Shakhtar Donetsk, Fred, sipas “Mirror”. Braziliani ka qenë i lidhur me rivalët e Manchester City, por duket sikur “Qytetarët” po largohen nga gara, ndërsa interesi i Paris Saint-Germain është venitur.

Çfarë ka ndodhur? Është e thjeshtë të kuptohet, ukrainasit kanë rritur pretendimet e tyre. Shakhtar nuk dëshiron ta lirojë 25-vjeçarin për më pak se 60 milionë euro, një shumë që trajneri Pep Guardiola beson të jetë e paarsyeshme.

Nuk është një nocion qesharak: braziliani nuk ka shënuar më shumë se tre gola në kampionatin ukrainas në një sezon me gjigandët e Shakhtar Donetsk. Gjithsesi në Champions League ka shkëlqyer duke shënuar edhe një gol në tetë ndeshje me fanellën e Shakhtar këtë edicion.

Ish-mesfushori i Arsenalit, Gilberto Silva, që është edhe këshilltari i tij ka konfirmuar, se mesfushori dëshiron të shkojë në Angli. Një goditje e mëtejshme për drejtuesit e Paris SG, nëse ndryshojnë mendje gjatë verës. City dëshiron që Fred të bëhet pasardhësi i Fernandinho, shoku i tij te kombëtarja braziliane, për shumën e 30 milionë eurove, por Jose Mourinho është i gatshëm të dyfishojë ofertën vetëm për të fituar garën me rivalët e qytetit dhe në të njëjtën kohë për të përforcuar skuadrën e tij.

Gara duket shumë e fortë, por “Djajtë e Kuq” duken të gatshëm që të përmbushin kërkesat e Shakhtar Donetsk. Në këtë mënyrë destinacioni i tij i ardhshëm pritet të jetë në “Old Trafford”, ndonëse edhe PSG duhet patur kujdes, pasi drejtuesit e tyre nuk i tremb asnjë shumë dhe këtë e treguan verën e kaluar kur firmosën me Neymar për 222 milionë euro, apo edhe Mbappe.

Related posts

E PABESUESHME/ Ja sa PARA përfitojnë Messi, Ronaldo dhe Neymar vetëm nga një postim në Instagram

Isa.Autor

31 milionë euro për 4 minuta, talenti italian mbyll sezonin para kohe

Q.Autor

Dita e gjykimit, te Skënderbeu janë në ankth për të ardhmen

Sadik.Autor

Leave a Comment