Barcelona është mësuar me largime të bujshme të futbollistëve që kanë bërë historinë me klubin katalanas. E tillë do të jetë edhe lamtumira e Andres Iniestës i cili ka preferuar ta jap këtë lajm të hidhur, gjatë një konference për media.
Gjithçka duket e vendosur dhe mesfushori e ka njoftuar klubin spanjoll se do të largohet nga Camp Nou, pas përfundimit të këtij sezoni.Dy gazetat kryesore sportive katalane “Mundo Deportivo” dhe “Sport” raportojnë se Iniesta ka vendosur ta vazhdojë karrierën në Kinë.
Iniesta do ta konfirmojë largimin e tij nga Barcelona, të premten, gjatë një konference për media në Ciutat Esportiva de Sant Joan Despi.
