Në emisionin sportiv “Fair Play nga Enkeleida Zeko” në “News 24”, mes të ftuarave është edhe ish-sekretari i Federatës Shqiptare të Futbollit, Eduart Prodani. I pyetur nga Zeko për dënimin e Skënderbeut me 10 vite, Prodani ka deklaruar se korçarët përkundër asaj që kanë deklaruar nuk mund ta kenë dërguar çështjen ne CAS.
“Skënderbeu nuk e ka apeluar çështjen në CAS, pasi mbështetur në rregullore çështja nuk mund të shkojë më parë në CAS pa kaluar në komisionin e Apelit.”
Prodani gjithashtu është i mendimit se dënimi i Skënderbeut nuk është një goditje e madhe për futbollin shqiptar.
“Goditje e rëndë për futbollin shqiptar? Unë them jo. Kjo është një dëm për federatën, por jo për futbollin shqiptar. Këto janë histerira.”