Një tragjedi e ndodhur në familjen e presidentit të Adës së Velipojës ka bërë që takimi i përcaktuar për t’u luajtur sot, Ada – Partizani B është shtyrë.
Kreu i skuadrës shkodrane, Alfred Pjetri ka humbur të vëllanë në një aksident tragjik në shtetin fqinj, Itali. Stafi teknik dhe futbollistët në shenjë respekti kanë kërkuar shtyrjen e ndeshjes. Kërkesa e klubit velipojak është pranuar nga Federata Shqiptare e Futbollit.
Në vijim do të mësohet data dhe ora se kur do të luhet ky takim i vlefshëm për Kategorinë e Dytë në Grupin A.
