E majta është një këmbë e fortë, e bekuar, që ka karakterizuar karrierën e shumë lojtarëve dhe që akoma sot vazhdon të karakterizojë karrierën e shumë kampionëve. Por cilët janë 11 mëngjarashët më të mirë të planetit?
Porta e këtij formacioni mbrohet nga mëngjarashi Courtois. Belgu, pavarësisht kritikave të marra për disa gabime të bëra në Champions League kundër Barcelona-s, fiton garën me Ederson për shkak se ka një vlerën më të lartë në merkato.
Courtois, në fakt, edhe pse nuk ka zhvilluar një sezon shumë të mirë, e siguron fanellën e titullarit falë vlerësimit 60 milionë euro në treg. 10 milionë më shumë se vlerësimi i portierit të Manchester City.
Në mbrojtje, para gjigantit belg, janë Marcelo dhe Alba në krahë dhe Laporte-Umtiti në qendër. Një repart që ka një vlerë të përgjithshme prej 220 milionë eurosh.
Mesfusha përbëhet nga një treshe cilësore, e cila përbëhet nga James Rodriguez, Lemar dhe Saul Niguez. Një treshe kjo që do të luajë mbështesë një sulm ëndrrash, i formuar nga Griezmann, Messi dhe Dybala. Një tredhëmbësh i dobët fizikisht, por me një nivel shumë të lart teknik, i aftë të terrorizonte çdo mbrojtje.