Barcelona identifikon objektivin më të madh në merkaton e verës. Klubi katalanas ka shprehur interesim të fuqishëm për mesfushorin e Tottenhamit, Christian Eriksen.
Sipas “The Mirror”, negociatat mes klubeve kanë nisur, dhe priten të përfundojnë me sukses. Eriksen shikohet si pasuesi ideal i Inestas. Danezi po kalon një moment pozitiv në futbollin anglez duke qenë shpesh herë protagonist me Tottenham.
Nuk dihet ende shuma që kërkojnë Spurs për danezin, por Barcelona është gati që të hapë arkat për një blerje të rëndësishme në mesfushë.Kujtojmë që Eriksen ka kontratë me Tottenhamin deri më 2020.
