Dominik Szoboszlai tani ndiqet nga të gjithë! Mesfushori fantazist i Salzburgut gjithashtu dje u bë protagonist i një goli të shkëlqyeshëm me Hungarinë e tij, duke e udhëhequr drejt Kampionatit Evropian të ardhshëm (Hungaria eliminoi Islandën 2-1).
Talenti 20-vjeçar ka kohë që është në qendër të vëmendjes dhe Milani u përpoq ta transferojë dy herë me Boban në janar dhe Rangnick (kishte akord) kur gjermani përflitej në vend të Stefano Piolit.
Në verë u fol shumë për të, por në fund zgjedhjet e klubit ishin të ndryshme dhe Szoboszlai mbeti në Austri, ku vazhdoi të shënonte dhe të rritej.
E pamundur të mos mbetet pa u vënë re: lojtari gjithnjë e më shumë është një mundësi e shkëlqyer për t’u kapur; klauzola e lirimit prej 25 milion eurosh, e përfshirë në kontratën e tij, ka bërë që disa klube të rëndësishme të ngrihen në këmbë.
Leipzig vazhdon ta mbikëqyrë atë (agjenti dje mohoi akord me gjermanët), ashtu si kuqezinjtë, apo Arsenali, por sipas “As” – këtë mëngjes – Real Madrid është i interesuar.
