Mbrojtësi i Juventusit, Giorgio Chiellini, ka thënë se do të donte t’i shkëmbente fanellat me sulmuesin e Barcelonës, Luis Suarezin, nëse rastësisë të takohen përsëri.
Suarez e kafshoi Chiellinin në kraharor gjatë një ndeshje grupore mes Uruguait dhe Italisë në Kupën e Botës më 2014, që rezultoi në një suspendim katër-muajsh nga futbolli për uraganin.
Ish-sulmuesi i Liverpoolit pastaj mungoi në fillim të sezonit 2014-15 në La Liga pasi u ble nga Barcelona atë verë dhe nuk u kthye në futbollin ndërkombëtar për gati dy vite.
Dyshja është takuar në Ligën e Kampionëve për klubet e tyre, dhe Chiellini ka thënë për El Mundo se nuk ishte pajtuar me rreptësinë e ndëshkimit që i ishte dhënë Suarezit.
“E kam takuar në fushë që prej atij incidenti dhe ka qenë kënaqësi, sepse ai është sulmues i madh dhe për mua gjithmonë përbën sfidë”, ka thënë Chiellini.
“Do të doja t’i shkëmbeja fanellat me të. Ndëshkimi i tij ishte për të ardhur keq, dhe duke mos qenë në gjendje të futej në stadiume ishte kulmi. Ama u bë për të dhënë shembull për shkak të Kupës së Botës”, shtoi ai.
