78,328 tifozë do të jenë në “San Siro” për të ndjekur nga afër sfidën më të rëndësishme të sezonit, Inter – Juventus.
Mediat italiane janë duke raportuar se zyrtarisht sonte në “San Siro” do të jenë 78,328 tifozë, për të mbështetur skuadrën e zemrës në një ndeshje përcaktuese për fatet e ekipeve respektiv.
Interi kërkon fitore që të mbajë hapin me Romën e Lazion për një vend në Ligën e Kampionëve, kurse Juventusi kërkon tri pikë që të qëndrojë një pikë para Napolit në luftën për titull, që u bë edhe më interesant me fitoren e këtyre të fundit në “Allianz Stadium” javën e kaluar.
Raportohet se nga shitja e biletave, Interi do të arkëtojë mbi 5 milionë euro, rekord ky në futbollin italian.