Presidenti i SHBA-ve, Donald Trump, ka lëshuar një tjetër deklaratë kontroverse e cila këtë herë ka të bëjë me sportin, konkretisht me futbollin. Numri 1 i Amerikës me anë të një statusi në rrjetet sociale ka kërkuar që e drejta e organizimit të Botërorit në vitin 2026 t’i jepet vendit të tij, Kanadasë dhe Meksikës.
“SHBA-të kanë aplikuar bashkë me Kanadanë dhe Meksikën për organizimin e Kupës së Botës për vitin 2026. Do të ishte një turp, nëse vendet që ne gjithmonë i kemi mbështetur do të lobonin kundër këtij propozimi. Pse duhet t’i mbështesim këto vende, kur nuk na mbështesin (duke përfshirë edhe në Kombet e Bashkuara)?”
Në “twitter” Trump ka kërcënuar se nëse kjo nuk ndodh atëherë do të humbasin mbështetjen e vendit më të fuqishëm në botë.
The U.S. has put together a STRONG bid w/ Canada & Mexico for the 2026 World Cup. It would be a shame if countries that we always support were to lobby against the U.S. bid. Why should we be supporting these countries when they don’t support us (including at the United Nations)?
— Donald J. Trump (@realDonaldTrump) April 26, 2018
