Dy kampionë absolutë. Ndoshta, jemi me shumë fat që jetojmë në kohën e tyre dhe shohim dita ditës mrekullitë që na servirin. Cristiano Ronaldo dhe Lionel Messi kanë ndarë “Topat e Artë” në pesë dhe pesë, edhe pse në mes u fut Modric, por vetëm një “shtojcë” e një dueli që është ka shënuar një epokë.
Cristiano Ronaldo shënoi tri gola ndaj Atleticos ditën e martë, ndërsa të mërkurën ishte Messi ai që u përgjigj me dy gola dhe dy asiste ndaj Lyonit. Sigurisht, në distancë janë duke vazhduar të garojnë, edhe pse shpesh nuk thurin elozhe për njëri-tjetrin.
Por, akullin e ka thyer argjentinasi, që pas ndeshjes me Lyon, i pyetur për Ronaldon, tri golat dhe Juventusin, tha: “Ajo që bëri Cristiano me Juven është e pabesueshme. Një surprizë e madhe, sepse besoja se Atletico Madrid do të luante më fort në fushë. Por, Juventusi u tregua i zoti, ka shumë potencial dhe Cristiano ka jetuar një natë magjike me ato tri golat”.
Më pas, në lidhje me shortin, “pleshti” tha: “Janë të gjitha të forta, edhe ato që nuk duken në letër. Ajaxi ka të rinj interesantë dhe një futboll që më pëlqen shumë. Në këtë pikë, duhet patur kujdes”.