Shkëlzen Gashi është rikthyer me gol në ndeshjen e tij të parë për këtë sezon me ekipin e tij në MLS. Sulmuesi ka lënë pas dëmtimin dhe i është bashkuar grupit, ku ka kontribuar edhe në fitoren 2-0 ndaj Torontos. 29-vjeçari konvertoi në gol një 11-metërsh në minutën e 78-të të takimit.
Pasi ka realizuar rrjetën e dytë, ai festoi në një mënyrë të veçantë që është bërë hit në rrjetet sociale. Futbollisti kosovar përformoi një kërcim të Fortnite që u duartrokit edhe nga tifozët e pranishëm në stadium. Videon e momentit të kërcimit e ka publikuar në faqen zyrtare edhe klubi i tij, Colorado Rapids.
Skuadra ku aktivizohet sulmuesi kuqezi renditet në vendin e gjashtë në Western Conference. Gashi mbeti jashtë Kombëtares Shqiptare që pas rastit për gol që humbi ndaj Zvicrës në Europianin që u zhvillua në Francë në 2016-ën. As De Biasi dhe as trajneri i ri, Christian Panucci nuk e ka ftuar më sulmuesin në grupin kuqezi deri më tani.
Shkëlzen Gashi celebrates goal with a dance from Fortnite
The moment you've all been waiting for: Shkelzen Gashi doing his best Fortnite impression.
Gepostet von Colorado Rapids Soccer Club am Sonntag, 15. April 2018