Raportohet se Luciano Spalletti do të nënshkruajë një kontratë të re me Inter deri në 2021, vetëm nëse klubi kualifikohet në Champions League.
Trajneri iu bashkua Zikaltërve në verë pasi u largua nga Roma dhe i ka udhëhequr drejt vendit të katërt në Serie A pas 29 ndeshjeve.
Sipas Gazzetta dello Sport, nëse skuadra milaneze përfundon sezonin mes katër më të mirëve, Spalletti-t do t’i ofrohet një kontratë e re e cila zgjat deri në 2021.
Nëse kjo ndodh, Suning do të jetë gati të përforcojë skuadrën për sezonin e Champions League, me trajnerin që më përpara ka shprehur pakënaqësinë e tij për mungesën e investimeve.
Inter nesër do të ndeshet në derbi me AC Milan në ndeshjen e prapambetur që u shty për shkak të vdekjes së papritur të Davide Astorit.
Sfida e shumëpritur do të zhvillohet në orën 18:30 në San Siro.
