Mesfushori i Monaco, Fabinho dëshiron të shkojë te Manchester United gjatë verës së ardhshme pasi ka si synim të afirmohet në Premier League.
24-vjeçari që konsiderohet si një nga mesfushorët me tipare mbrojtëse më të mirë në qarkullim kushton rreth 60 milionë euro.
Sipas asaj që ka shkruar “The Sun”, United është destinacioni i preferuar për Fabinho.
Trajneri i Manchester United, Jose Mourinho, do të ketë një tjetër verë aktive në merkato me synimin e ndërtimit të një ekipi në gjendje të luftojë për titullin në Premier League sezonin e ardhshëm.
Marouane Fellaini duket se do të largohet nga “Old Trafford”, teksa Michael Carrick do të tërhiqet nga futbolli, kësisoj një futbollist me karakteristikat e Fabinho do të ishte i mirëpritur nga Mourinho.
Fabino, kur ishte 19 vjeç, punoi me Mourinho për pak muaj te Real Madrid dhe portugezi i dha mundësinë e debutimit në La Liga duke e aktivizuar kundër Malaga në maj 2013.
