Në krahun e majtë të mbrojtjes, Juventus do të marrë shërbimet e Spinazzola (fundi i huazimit dy vjeçar), i cili do të zërë vendin e Asamoah, që do të shkojë te Inter, teksa do të presë oferta për Alex Sandro, i cili pëlqehet nga United, Chelsea dhe PSG…
Në këto kushte, Juventus do të ketë nevojë për një mbrojtës të majtë dhe francezi Lucas Digne hedh kandidaturën. 24-vjeçari, ish-mbrojtës i Roma, nuk ka gjetur shumë hapësirë te Barcelona.
“Më mungon Italia dhe më vjen shumë mirë që një klub si Juventus po lakon emrin tim. Sigurisht që do ta vlerësoj ofertën e tyre në fund të sezonit. Unë jam gati,” – tha Digne.
