John Isner është fituesi i madh i Miami Open. Tenisti amerikan mposhti në finale 2-1 me sete, 7-6, 4-6, 4-6 Alexander Zverev, duke siguruar titullin e 13-të në karrierë dhe mastersin e parë 1000 pikësh.
Seti i pari ishte shumë i luftuar dhe u vendos me “tie break”, pasi asnjëri prej finalistëve nuk u thye në shërbim. Zverer u tregua më i saktë, duke fituar 7-4, por talenti gjerman nuk e kishte parashikuar se amerikani do të kthehej edhe më i fortë në setin e dytë.
Isner nxori mësime nga gabimet që kreu në setin e parë, duke e thyer Zverevin në shërbim në gejmin e 9-të e triumfuar 6-4.
Në setin final u pa e njëjta panoramë si në të dytin. Isner, i përkrahur në maksimum nga publiku, arriti t’i imponohej kundërshtarit sërish duke e thyer në shërbim në gejmin e 9-të. Asgjë s’mund ta dalte më Isnerin, që triumfoi 6-4 edhe në setin e tretë, për t’i rrëmbyer finalen numrit 5 në botë.
