Një tifoz i Penarol i “shpëtoi jetën” portierit të ekipit, me këtë të fundit që kishte harruar uniformën në shtëpi para ndeshjes të zhvilluar të dielën. Kevin Dawson mbërriti në stadium për ndeshjen kundër Progreso e vlefshme për Primera Division të Uruguait pa uniformën e dytë, dhe kur e kuptoi këtë gjë, ishte tepër vonë. Kur duhej edhe pak minuta që ndeshja të fillonte stafi teknik dhe vetë lojtarët u angazhuan për ti gjetur një zgjidhje këtij problemi, duke patur parasysh se portieri i dytë Thiago Cardozo, akoma nuk ka debutuar me ekipin e parë.
Një nga anëtarët e stafit teknik, pati idenë e zgjuar për të kontrolluar tifozët që kishin ardhur enkas për të mbështetur ekipin e tyre, me shpresën se dikush do të kishte veshur uniformën portokalli të portierit. Për fatin e tyre të mirë, njëri prej tifozëve në tribunë mbante veshur pikërisht uniformën e “famshme” duke pranuar që t’ia huazonte Dawson-it.
Dawson mund të dëshirojë ta mbajë përfundimisht uniformën, sepse i solli fat duke pritur shumë gjuajtje duke u shpallur lojtari i ndeshjes, me Penarol që fitoi me rezultatin 1-0. Kjo fitore i jep mundësinë Penarol-it të ruajë vendin e dytë ndaj kryesuesve të Nacional, të cilët ndodhen me dy pikë avantazh pas 14 ndeshjeve të zhvilluara.
Shirt news: Peñarol goalkeeper Kevin Dawson had to use a fan's shirt when they turned up to the match with the wrong-coloured shirt against Progreso.pic.twitter.com/Jq0UZ19slQ
— Classic Football Shirts (@classicshirts) April 30, 2018
