FC Bayern po sheh nga e ardhmja dhe atë kërkon ta krijojë me ish-lojtarët. Hasan Salihamidzic është bërë drejtori sportiv i klubit gjatë verës së kaluar, Niko Kovac do të jetë trajneri i ri duke filluar nga sezoni tjetër.
Siç ka raportuar Sport Bild, Miroslav Klose do të jetë pjesë e stafit teknik të akademisë dhe tani kërkohet edhe Mehmet Scholl.
Presidenti Uli Hoeness po mendon të rikthejë te klubi ish-lojtarin për të drejtuar amatorët e Bayern.
Scholl ka qenë trajner në dy periudha të shkurtra i ekipit të dytë bavarez. Aktualisht ai është i punësuar te kanali ARD në rolin e analistit.
Gjenerata e viteve 2000 duhet të çojë përpara klubin, ashtu siç po e bëjnë lojtarët e viteve 70’ që janë drejtuesit e rekordmenëve si Rummenigge, para tij Beckenbauer dhe Uli Honeess.
