Fiorentina do të presë Napolin në “Artemio Franchi”, ku do të kërkojë të rikthehet te fitorja, në një sfidë aspak të lehtë.
Skuadra e Sarrit luan një nga 4 finalet për titullin kampion dhe nuk ka ndërmend të ulë ritmin, deri sa Seria A të ulë siparin.
Gjithsesi kjo duket se nuk e shqetëson sulmuesin kryesor të Fiorentinës, Giovanni Simeone, që beson te skuadra e tij dhe te fitorja e këtij takimi.
“Kemi vetëm 3 pikë më pak se Milani dhe kemi edhe ndeshjen direkte ndaj tyre, ndaj shpresojmë te Europa”, u shpreh ai.
“Duhet të marrim maksimumin ndaj Napolit dhe besoj se do t’ia dalim, gjithsesi duhet të mbajmë nën vëzhgim Insignen, pasi mund të ndryshojë fatin e ndeshjes në çdo moment”, shtoi ai.
“Titullin them se e fiton Juventusi, për faktin e thjeshtë se ka një pikë më shumë”, deklaroi Simeone.