Tanimë nuk janë vetëm shok ekipi te Chelsea, por brazilianët David Luiz dhe Willian janë ortakë biznesi.
Dyshja ka prezantuar restorantin e përbashkët “Babbo” gjatë kësaj jave dhe në muajt e ardhshëm do të hapin të tjerë, kryesisht në kryeqytetin anglez.
Ky restorant është në rrugën Albemarle, Mayfair, në Londër dhe bazohet te kuzhina italiane.
Bashkë me ta, në këtë biznes të ri, është edhe menaxheri i famshëm Kia Joorabchian.
Gjatë fundjavës së kaluar, në ditën e përurimit, dy brazilianët e Chelsea ftuan shokët e ekipit dhe lojtarë të tjerë si Gabriel Jesus i City, Joao Mario i West Ham dhe Phil Coutinho i Barcelonës.
Në darkën e parë ishin të pranishëm edhe Gary Cahill, Cesc Fabregas, Marcos Alonso, Danny Drinkwater dhe Tiemoue Bakayoko, që i uruan fat shokëve të ekipit Luiz dhe Willian.
