Marco Verratti, Julian Draxler dhe Dani Alves nuk do të luajnë në ndeshjen që Paris Saint-Germain do të zhvillojë kundër Saint-Etienne, ditën e premte.
PSG fitoi 3-0 në fundjavën e kaluar kundër Monaco, në finalen e Kupës së Ligës së Francës, në një ndeshje ku Verratti dhe Draxler u zëvendësuan si pasojë e një tërheqje muskulore dhe dëmtim në gjurin e djathtë.
Alves e luajti të gjithë ndeshje në “Stade Geoffroy-Guichard”, megjithatë edhe ai ka munguar në dy seancat e fundit stërvitore si pjesë e një dëmtimi në gju.
Dy të padisponueshmit e tjerë të PSG janë Neymar dhe Mota, kësisoj mes 18 të grumbulluarve janë edhe Timothy Weah dhe Kevin Rimane nga skuadra U-19.
Ndeshja e parë mes këtyre dy ekipeve, luajtur në muajin gusht, u mbyll 3-0 për PSG në saj të golit të Motta dhe dygolëshit të Cavani.
PSG do të ngjitej +19 pikë nga Monaco e vendit të dytë, nëse fiton ndaj Saint-Etienne, që renditet në vendin e nëntë të klasifikimit.