Kanë kaluar tre vite nga momenti që Cristiano Ronaldo dhe Irina Shayk i kanë dhënë fund lidhjes së tyre, që zgjati plot katër vite. Të dy kanë ndërtuar jetët e tyre: portugezi me Georgina Rodriguez dhe top modelja ruse me aktorin Bradley Cooper, me të cilin ka pasur një djalë marsin e vitit të kaluar.
“The Sun” ka publikuar një artikull të bazuar te një dëshmi e njërit prej miqve të futbollistit, i cili ka zbuluar se Ronaldo është xheloz për Irinën:
“Ronaldo është akoma i dashuruar me të. i vjen keq për mënyrën sesi përfundoi historia e tyre dhe shqetësohet për jetën e saj. Nuk mendonte kurrë se ajo do të largohej”.
Sipas të përditshmes britanike, prishja e lidhjes mes të dyve ka ndodhur për shkak se në atë moment Cristiano nuk donte një fëmijë tjetër, por Irina po. Ndërkohë, Cristiano ka zgjeruar familjen e tij me Georgina Rodriguez, nga lidhje me të cilën ka lindur Alana Martina në nëntor (pas binjakëve Eva dhe Mateo, të lindur nga një shtatzëni surrogate).