Aq të pakënaqur janë fansat, sa të revoltuar shprehin indinjatën e tyre në rrjetet sociale dhe forumet e ndryshme
Tifozët e Marokut dhe të Tunizisë nuk janë fare të qetë, ndërsa Kupa e Botës po afron. Dhe kjo sepse dizajni i fanellave të tyre lë shumë për të dëshiruar. Aq të pakënaqur janë fansat, sa të revoltuar shprehin indinjatën e tyre në rrjetet sociale dhe forumet e ndryshme dhe kërkojnë nga federatat respektive që të marrin masa. Por fanellat tashmë janë prezantuar për kompeticionin më të rëndësishëm të planetit, Kupën e Botës.
Tifozët e përfaqësueses tuniziane ca me të qeshur e ca me të qarë ankohen se ngjyrat nuk janë vendosur mirë në fanellë. Madje ata shikojnë një ngjashmëri të madhe midis fanellës tuniziane dhe asaj të Portugalisë. Shumë marokenë janë tallur me fanellën e kombëtares së tyre.
Sipas fansave, dizajni i saj është shumë modest dhe i mungon shpirti artistik. Madje sipas një kritiku aq e thjeshtë është fanella, sa edhe një shitës i rëndomtë në Kazablanka mund të bëjë një fanellë më të mirë. Për më tepër që kostoja e saj prej 65 dollarësh konsiderohet si mjaft e shtrenjtë nga shumë persona.