Me rastin e futjes në “Hall Fame” e futbollit italian, ish-kampioni i Milan, Ruud Gullit, ka folur për të kaluarën e tij në radhët e kuqezinjve dhe në futbollin italian.
Në lidhje me ndryshimin e “look”-ut: “Jeta është si një libër, për këtë arsye kam vendosur t’i pres gërshetat. Është bukur të jesh i famshëm, por në raste të caktuara është e rëndësishme të kesh edhe një jetë private”.
Dedikimi i “Topit të Artë”: “Vendosa t’ia dedikoja Nelson Mandela-s për të gjithë betejat e tij. Një futbollist nuk duhet të mendojë vetëm për të luajtur mirë, por duhet të mendojë edhe për të ndihmuar ata që janë në vështirësi”.
Për vitet e kaluar te Milan: “Kishte shumë presion, ishte e vështirë të shijonim fitoret. Kishim uri, gjithmonë. Vetëm më pas kam kuptuar rëndësinë e asaj që kishim bërë. Kemi kuptuar se ishim të fortë në atë fitore 5-0 kundër Como-s me 10 lojtarë, nuk ishte e zakonshme në Itali. Aty ka ndodhur ndryshimi i mentalitetit, shpresoj që Milan të kthehet të fitojë”, ka thënë Gullit.
