Ndoshta është një nga finalet më të bukura të të gjitha kohërave, ndoshta edhe më e bukura, por Milan-Liverpul e 2005-ës është skalitur në kujtimin e çdo tifozi.
Kuqezinjtë udhëhiqnin 3-0 në pjesën e parë dhe Liverpul i barazon në të dytën dhe fiton trofeun me penallti. Megjithatë, në 23 mars të këtij viti kjo finale do të rikthehet në disa grimca të saj. Në fushë do të zbresin disa nga futbollistët që kanë qenë në atë sfidë. Stadiumi pritet të jetë në kapacitet maksimal në “Anfield” ku tifozët do të rishohin përsëri Xherard, Sise, Dudek, Karager, Kaka, Maldini, Gatuzo e Dida. I gjithë eventi është për bamirësi dhe të ardhurat do të dhurohen për fëmijët në nevojë. Pas 14 vitesh tifozët do të përjetojnë edhe njëherë emocionet e asaj finale.
