Kukësi fitoi me rezultatin 4-0 kundër Partizanit. Një triumf që çoi në “qiellin e shtatë” presidentin Safet Gjici, drejtuesit e tjerë, tifozët, ndoshta dhe vetë futbollistët. Trajneri Peter Pacult e di mjaft mirë se skuadra mund të përfshihet nga euforia, por ai nuk mund të gabojë. Numri një i stolit e di mjaft mirë se ky është një moment i rrezikshëm, pasi mund të ndikojë në ndeshjet e ardhshme dhe sidomos në Kupën e Shqipërisë. Për këtë arsye, numri një i stolit nuk i ka lënë shteg futbollistëve të tij për këtë gjë. Festa ka zgjatur fare pak, aq sa darka me presidentin Safet Gjici, pasi nis menjëherë puna për ndeshjen e radhës kundër Laçit.
Trajneri i Kukësit, Peter Pacult, ka nxjerrë ekipin një stërvitje ditën e sotme. Austriaku nuk toleron që skuadra të fluturojë. Ai ua bëri të qartë futbollistëve të tij se duhet të qëndrojnë me këmbë në tokë dhe të mendojnë vetëm për ndeshjen e radhës kundër Laçit të vlefshme për Kupën e Shqipërisë. Austriaku foli gjatë me skuadrën dhe i kërkoi atyre të mos ulnin vlerësimin dhe impenjimin, pasi nuk ka mbaruar asgjë.
Seanca e sotme e Kukësit u zhvilluar prej orës 11:00, në kompleksin sportiv “Internacional”, në Pezë, prej orës 11:00. Tekniku Pacult e ndau ekipin në dy pjesë. Titullarët u stërviten të diferencuar me vrapime për t’u çlodhur, ndërsa pjesa e futbollistëve që nuk luajtën e morën të plotë ngarkesën. Kukësi është 9 pikë larg Partizanit dhe duket se e ka siguruar vendin e dytë. Kampionët e Shqipërisë mendojnë për Kupën e Shqipërisë, pasi nuk duan të dalin pa trofe. Fitorja me Partizanin duket se do që të marrë rëndësi dhe nga vetë klubi i Kukësit, pasi mbrëmjen e sotme kanë pushtuar programet sportive me të ftuar. Drejtori Sportiv, Nderim Nexhipi, zëvendëtrajneri Rraman Hallaçi dhe mbrojtësi Simo Rrumbullaku do të kenë dalje mediatike.
