Dje janë luajtur dy nga pesë takimet e javës së 31-të të kampionatit në Superligë. Lushnja ka ndalur Partizanin në shtëpi 1-1, ndërsa Luftëtari ka bërë detyrën ndaj Flamurtarit duke e mundur me rezultatin 2-1.
Tre takimet e mbetura do të luhen sot. Vllaznia do presë Laçin në shtëpi në orën 16:00. Në po të njëjtën orë Kamza luan në transfertë ndaj Teutës, ndërsa kryendeshja e kësaj javë sigurisht që është ajo mes Skënderbeut dhe Kukësit.
Korçarët do të presin në shtëpi kampionët aktualë në orën 19:00. Një fitore e Skëndebeut ditën e sotme do t’i shpallte matematikisht kampionë, në të kundërt, festa mund të shtyhet për në takimin e radhës.
