Me Antonio Conten që është çdo ditë e më larg Chelseat, drejtuesit e “Bluve të Londrës” kanë nisur nga puna për të gjetur zëvendësuesin e italianit.
Siç shkruan “Daily Telegraph”, në listën e shkurtër të Roman Abramovich qëndrojnë trajneri i Romës, Eusebio Di Francesco, dhe Maurizio Sarri i Napolit.
Kjo nuk është hera e parë që Sarri pëlqehet nga drejtuesit e Chelseat, ndërkohë që gjysmëfinalja e Champions League, e arritur në “timonin” e Romës, ka rritur kuotat e Di Francesco, që shikohet në Londër si ideali për të drejtuar skuadrën që nga viti i ardhshëm.
Sido që të shkojë, Chelsea fillimisht duhet të shkarkojë Conten, pastaj të konkretizojnë gjithçka përsa i përket zëvendësuesit të tij.
