Tenisti gjerman Alexander Zverev fitoi turneun Masters të Madridit, pas fitores 2-0 në finale (6-4, 6-4) ndaj austriakut Dominic Thiem. I lodhur nga fitoret e vështira në çerekfinale e gjysmëfinale, Thiem nuk ishte në formë në ndeshjen finale, duke mos dhënë atë që pritej, ndërsa e kundërta ndodhi me Zverev.
Tenisti gjerman fitoi nga një “break” me topat e rivalit, duke qenë konkret në fushë dhe e meritoi fitoren. Për Zverev ky është titulli i tetë në karrierën e tij, turneu i parë për këtë vit, duke konsoliduar pozitat në vendin e tretë të renditjes botërore. Tashmë gjermani do të kërkojë të triumfojë në Romë
