Javët finale të sezoneve janë periudha në të cilën klubet bëjnë llogaritë. Ende në dilemë për sezonin e ardhshëm do të jetë situata e mbrojtësit kuqezi, Arlind Ajeti. I huazuar te Krotone, situata e shqiptarit është ende e pavendosur, teksa skuadra është në garë për mbijetesën.
Duke qenë se nuk është vendosur asgjë, në rast se do të qëndrojë apo jo në elitë për vitin tjetër, mbrojtësi kuqezi pritet që të ketë një diskutim me drejtuesit në fund të sezonit për të parë situatën. Në kontratën e huazimit, Krotone ka të drejtën e blerjes, por për momentin, në rast se nuk sigurohet qëndrimi në Serinë A, mund të mos shfrytëzohet kjo e drejtë.
Në këto kushte, e drejta për të vendosur do t’i kalojë Torinos, që zotëron kartonin e mbrojtësit kuqezi, në rast se do ta mbajë apo do zgjedhë edhe një herë ta huazojë.
