Ndërkohë Borussia Dortmund duhet ta konsiderojë veten me fat pasi, megjithëse humbi 3-1 ndaj Hoffenheim, ka siguruar një vend mes katër më të mirëve duke u kualifikuar në Champions League sezonin e ardhshëm. Ekipi që doli humbës nga kjo situatë ishte Leverkusen, që megjithëse fitoi 3-1 ndaj Hannover, për shkak të golavarazhit është renditur vetëm në vendin e pesët. Vetëm një gol i duhej Aspirinave për të siguruar kualifikimin në Champions, por në fund pësuan një gol që u shoi shpresat.
HSV Hamburg, ekipi që nuk e kishte provuar ndonjëherë shijen e kategorisë së dytë, më në fund do ta provojë veten në Bundesliga 2 sezonin e ardhshëm.
Megjithëse fitoi ndeshjen ndaj Borussia Monchengladbach, nuk mjaftoi për të siguruar një vend play-off pasi Wolfsburg ka mposhtur FC Koln.
Kishte vite që Hamburg i vërtitej rënies, dhe tani duhet të përballet me realitetin se nuk mund të krenohet më me faktin se nuk ka rënë ndonjëherë në kategorinë e dytë.
Na ruim 54 jaar degradeert Hamburger SV. En dat doet pijn. Heel veel pijn. Complete chaos in het Volksparkstadion. #HSVBMG #Bundesliga pic.twitter.com/6Cr1RldUHX
— Daniel Isaiah Titus (@DanielTituss) May 12, 2018
