Agustin Torasa është lojtari i afruar së fundmi me bujë në klubin e Flamurtarit. Mesfushori shtatashkurtër pritet të japë një kontribut të madh në arritjet e objektivave. Me një eksperiencë 2-vjeçare në Superiore, 30-vjeçari u afrua nga vlonjatët si një nga lojtarët që do të mbajë peshë të rëndësishme në fazën ofensive.
Për këtë, ai ka nënshkruar një kontratë që e bën atë kuqezi për sezonin e ardhshëm. Argjentinasi do të përfitojë një pagë prej 9 mijë eurosh në muaj, shifër e konsiderueshme kjo duke ditur nivelin e rrogave të lojtarëve në vendin tonë. Megjithatë s’i mbetet gjë tjetër, veçse besimin dhe vlerësimin e dhënë nga drejtuesit ta shpërblejë në fushën e blertë.
