Philippe Coutinho e realizoi ëndrrën e tij për t’u transferuar në “Camp Nou” në merkaton e janarit, për 142 milionë paund. Brazilini u bë lojtari i dytë më i shtrenjtë në botë i të gjitha kohërave, por siç duket nuk është edhe aq i kënaqur për këtë lëvizje. Siç raporton media spanjolle “Diario Gol”, 25-vjeçari është penduar që është larguar nga “Anfield”.
Shumë mendonin se “The Reds” do të vuajnë mungesën e brazilianit, duke pasur parasysh se sa i rëndësishëm ishte për ekipin e Jurgen Klopp. Megjithatë, Liverpool duket që ia ka dalë për mrekulli edhe pa të. Madje, më mirë se kaq askush nuk e kishte imagjinuar, pasi gjigantët e Merseyside kanë arritur me sukses të prekin finalen e madhe të Champions League, pasi eliminuan Romën në raundin gjysmëfinal.
Kjo është hera e parë që Liverpool siguron finalen e Kievit, që nga viti 2007-të. Pa Coutinhon, por me një super yll si Mohamed Salah, gjigantët e Premier League kanë bërë një sezon pozitiv. Sulmuesi egjiptian ka realizuar 43 gola në të gjitha garat me fanellën e “The Reda” këtë sezon, ku arriti të mposhtë edh Kevin De Bruyne në garën për çmimin “Lojtari më i mirë” i vitit në Premier League.
Përveç Salah, Klopp ka pasur edhe dyshen tjetër Sadio Mane dhe Roberto Firmino, të cilët gjithashtu vazhdojnë të jenë në super formë. Ndërsa Coutinho, ndihet i çuditshëm në Barcelonë dhe ndien keqardhje që nuk është në finalen e Kievit me Liverpool-in. Shokët e skuadrës ashtu sikurse edhe drejtuesit blaugranë janë të mërzitur me gjendjen emocionale të lojtarit. Edhe pse katalanasit po festojnë titullin kampion në La Liga.
