Ka nga ato histori në futboll që me të vërtetë të prekin dhe të bëjnë për vete. E tillë është edhe ajo e Alessandro Lucarelli i cili në moshën 40-vjeçare lë futbollin. Mbrojtësi luajti për 10 vite me ekipin e Parmas duke qenë një nga emblemat e ekipit të njohur italian. Madje ai provoi edhe ligën e katërt në Itali duke qëndruar me ekipin e zemrës.
Tani që Parma, sezonin që vjen do luajë në Serie A, Lucarelli duket se e mbylli misionin e tij me sukses për të rikthyer Parmen mes më të mirëve. Mes lotëve ai ka dalë përpara tifozëve verdheblu ku ka deklaruar tërheqjen nga futbolli. Histori të tilla tregojnë se futbolli është më shumë se një sport.
